Atalǵan komıtet tóraǵasynyń aıtýynsha, BEJ – bul memleketke oıyn bıznesin uıymdastyrýshylar arqyly jasalǵan árbir bás tigýdi baqylaýǵa múmkindik beretin sıfrlyq qural. Bul rette qumar oıyndar naryǵyn retteýden bólek, dene shynyqtyrý men sportty damytýǵa, sondaı-aq áleýmettik mańyzy bar jobalarǵa mindetti aýdarymdar arqyly býkmekerlik kompanııalardyń áleýmettik jaýapkershiligi tetigin iske asyrý kózdelgen.
«Ár stavkanyń 1%-y sportty, balalar men buqaralyq sportty damytýǵa, áleýmettik jobalardy iske asyrýǵa baǵyttalmaq. Iаǵnı, býkmekerler eldiń damýyna ınvestısııa salady. Jylyna 15 mlrd teńge bizdiń sportqa jáne Qazaqstanǵa óte jaqsy kómek», dep atap ótti Ádilet Turǵanbaev.
Spıkerdiń aıtýynsha, BEJ qumar oıyndar naryǵynyń zańsyz sektorymen kúresedi. Azamattarymyzdyń keıbiri zańsyz býkmekerlik kompanııalardyń jelilerine barady, olar eshqandaı salyq tólemeıdi jáne aqsha offshorlarǵa ketedi.
«Biz zańdy saıttardan basqa barlyq saıttardy buǵattaımyz. Mysaly, bizde zańdy býkmekerlik keńseler jáne kazınolar bar, olardyń zańdy saıttary bar. Biz bul sýbektilerdi «aq tizimge» engizemiz. Júıeniń qalǵan bóligi kilt sózder men mazmuny boıynsha avtomatty túrde buǵattalady», dep atap ótti Á.Turǵanbaev.
Sonymen qatar, ol júıeni baqylaý tolyǵymen memlekettiń qolynda bolatynyn atap ótti. Bul tájirıbe búkil álemde keń taralǵan, keıbir elderde tolyq memlekettik monopolııa bar. Qazaqstanda jumsaq jol tańdaldy, oıyn bıznesi jeke sektorda qalady, biraq memlekettiń baqylaýynda bolady.
